• 05 Sep, 2023
• admin
• No comment

تلنگانہ میں بارش کی وجہ سے تمام تعلیمی ادارے بند

حیدرآباد: تلنگانہ حکومت نے بارش کی وجہ سے تعلیمی اداروں میں تعطیل کا اعلان کر دیا ہے۔ دریں اثنا، جڑواں آبی ذخائر ہمایت ساگر اور عثمان ساگر مسلسل بارش کی وجہ سے زیر آب ہو گئے ہیں۔ دونوں آبی ذخائر اپنی پوری آبی سطح کے قریب ہیں۔ آئی ایم ڈی کے انتباہ کے پیش نظر کہ بارش اگلے دو دنوں تک جاری رہے گی، جل بورڈ کے عہدیداروں نے آج صبح 8 بجے جڑواں آبی ذخائر کے دونوں گیٹ 2 فٹ بلند کردیئے۔ ہمایت ساگر کے دو دروازوں سے کل 1373 کیوسک پانی اور عثمان ساگر کے دو دروازوں سے موسی ندی میں 442 کیوسک پانی چھوڑا جا رہا ہے اور مقامی عوام سے احتیاط برتنے کو کہا گیا ہے پچھلے دو دن سے حیدرآباد اور سکندرآباد میں بارشوں کا سلسلہ جاری ہے اور کسی حد تک عوام نے گرمی سے نجات پائی ہے۔ اکتوبر اور ستمبر کے مہینوں میں بھی موسم گرما جیسی گرمی نے عوام بالخصوص ضعیف اور بیمار شہریوں کو پریشان کر رکھا تھا دو دن کی بارش سے عوام نے راحت کی سانس لی ہے۔

📢 Important Announcement: In light of the heavy rainfall forecast in Hyderabad, the government has declared today a holiday for all educational institutions in Hyderabad. Stay indoors and stay safe☔️🌧️@TelanganaCMO @TelanganaCS @YadavTalasani

— Collector_HYD (@Collector_HYD) September 5, 2023

جل بورڈ کے ایم ڈی ڈانکیشور نے مختلف محکموں کے افسران کو موسی کیچمنٹ علاقوں کے بارے میں چوکس رہنے کا مشورہ دیا۔ عوام بھی احتیاط سے کام لیں اور ضروری ہو تبھی باہر نکلیں۔